即市新聞

04/03/2020 11:45

《古臣周記-古臣》基建三寶炒風難持續,重型機械佬前景更明朗!

  《古臣周記》喺疫情衝擊下,神州2月嘅製造業PMI跌至歷史新低,仲差過2008年嘅
金融海嘯,可以預期今年首季嘅經濟狀況有幾嚇人。以前為咗刺激經濟增長,阿爺都會例牌以「
三頭馬車」(消費、基建同出口)並行,所以近排啲基建股又落鑊。之不過,近年基建同出口喺
GDP嘅佔比已經逐步減少,而且依家神州仲未全面復工,「基建救國」呢條橋仲work唔
work?

*神州七省市25萬億人仔投資計劃*

  早喺舊年年底,阿爺為咗應對經濟增長持續放緩,11月已經提前下達2020年部分嘅新
增專項債務限額,達1萬億人仔,目的係加快喺今年年初就將資金落實到具體項目,盡早形成對
經濟嘅推動。而面對今次席捲全國嘅新冠肺炎,各地亦推出萬億投資計劃。神州媒體報道,七個
省市包括雲南、福建、四川、重慶、陝西、河南同河北嘅投資項目總投資額接近25萬億人仔。
想當年神州喺2008年金融海嘯時,都只係推出4萬億人仔嘅投資項目谷經濟?! ?br>  神州短期力推咁多基建上馬,阿臣認為對推動全國經濟增長嘅作用有限,而且政策嘅延續性
亦成疑。一來,近年神州經濟引擎已逐漸被內需消費主導,故推動復工、推振消費先喺重點著墨
嘅領域;二來,資料顯示,神州舊年年底專項債餘額9﹒44萬億人仔,多過當年政府性基金預
算收入近萬億人仔,令人憂慮地方政府嘅還債能力。

*疫情蔓延海外基建項目有停工憂慮*

  除咗對神州靠基建谷經濟有保留之外,阿臣亦搶心部分基建佬海外「一帶一路」計劃嘅基建
項目會受疫情影響而要停工停產。因應今次疫情,目前有超過130個國家對防控疫情出臺相關
入境管制措施,令一啲神州工程人員無法按時返去項目所在地復工,而且海外基建項目所需設備
物資亦有斷供嘅情況出現。例如,中鐵國際(CRIG)喺印尼嘅高鐵項目中,有逾100名神
州工程技術及管理人員因公司規定不得返工,令核心工程無法繼續。
  而「基建三寶」之一嘅中交建(01800),舊年上半年新簽合同額中有兩成三喺來自海
外,達169﹒31億美金,涉及139個國家及地區,其中在建對外承包工程項目有逾千個。
雖然目前仲未知道海外工程復工嘅進度,再加上國內仍未全面復工,即使加大投資金額,都未必
直接提振到基建佬嘅盈利表現。

*重型機械前景比較傳統基建佬明朗*

  傳統基建佬面對以上唔明朗嘅因素,加上基建佬股價走勢持續低迷,就算落鑊炒亦都係炒完
一輪就散水,企業增長前景成疑,所以阿臣現階段都係唔建議高追近排突然炒起嘅基建佬。相比
之下,阿臣更睇好重型機械佬,除左工程項目增加直接刺激銷量之外,年初亦係混凝土設備嘅銷
售旺季。
  據券商中信證券分析,神州各地區喺2月下旬已逐步復工,預期大部分施工項目將喺3月中
上旬全面啓動,今年4至5月嘅銷量相信會超過舊年2至3月嘅旺季水平。當中,阿臣推薦拖掘
機龍頭三一重工(00631)以及同樣做起重機同混凝土設備嘅中聯重科(01157),因
為兩者之前都發左盈喜。而三一重工嘅股價走勢較好,但過去一個月股價累升逾三成,所以打算
等股價回落少少再部署,保守起見喺星期一嘅大陽燭底部(約4﹒6銀)買入兩手。

 表列截至3月4日(上午11:15時止)阿臣投資組合表現:
 
 股份      股數     平均買入價(元)   現價(元)   總值(元)
?。?br> 港股: 
 煤氣     ?。保埃埃骯傘  。保訂q00   ?。保旦q00   ?。保擔埃埃?br>?。櫻校模醫穡牛裕啤 。保骯傘。保埃梗琺q00 ?。保玻埃暴q00   ?。保玻埃保?br> 平安好醫生   ?。擔埃骯傘  。擔博q90   ?。罰穿q60   ?。常罰常埃?br> 阿里巴巴    ?。保埃骯傘 。保罰訂q00  ?。玻埃博q20   ?。玻埃玻玻?br> 旺旺     ?。保埃埃骯傘   。琺q09    ?。訂q16    ?。叮保叮?br> 深高速    ?。玻埃埃骯傘  。保暴q15    ?。供q45   ?。保福梗埃?br>?。?br> 股票市值   ?。骸 。保埃梗擔梗霸?br> 剩餘現金   ?。骸  。罰福叮擔霸?br> 組合淨值   ?。骸 。保福福玻矗霸?br> 組合本月收益表現: ?。。癌q2%(截至上月底止組合淨值:188565元)
 組合累計收益表現: ?。罰供q3%(本金105000元計)(2016年8月開倉)
 
?。獢祿刂兩袢丈銜紓保保海保擔幔?br>

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介